A AUGA E O AIRE - 3º

Rematamos o mural colectivo sobre a auga e o aire que nos serviu como mapa mental do tema de Ciencias Sociais. Cada equipo de traballo tivo que facer a presentación sobre a súa parte. Así conseguimos ter unha idea global do tema.
Bo traballo!

ELÍZARA, UN LUGAR ONDE NON ESTIVEN: VISITAMOS A EXPOSICIÓN DE XOÁN GUERREIRO

Hoxe poidemos asistir á exposición de Guerreiro na Casa da Parra. Foi unha clase moi especial no que o alumnado amosou moito interese, que se reflectiu nun auténtico bombardeo de preguntas ao artista.

Tamén houbo protagonismo dos rapaces e rapazas, convertidos en xornalistas e fotógrafos que plasmaron nunha entrevista que publicaremos proximamente.

GALERÍA DE FOTOS DO OBRADOIRO DE COCIÑA VEXETAL

José Luis Fernández Alló comentoume a posibilidade de que colgara fotos no flickr, para que poidades baixalas con máis calidade. Pois aí van estas reptidas; preme na imaxe para velas.

O PLANETA TERRA ESTÁ EN PERIGO

Esa é a conclusión que sacaron os nosos alumnos/as ao facer este traballo. Eles propoñen unha serie de solucións que todos podemos aportar para resolver, en certa medida, moitos dos problemas que a vida actual provoca no noso planeta.
Así que xa sabedes... A aportar o vóso gran de area!



O PLANETA TERRA ESTÁ EN PERIGO on PhotoPeach

OS ECOSISTEMAS - PROXECTO DE INVESTIGACIÓN EN 4º

Déixovos esta presentación para que vexades a organización e colaboración do alumnado de 4º, no tempo adicado á elaboración da presentación dixital coas informacións que foron aportando. Ao mesmo tempo están elaborando un mural sobre o coidado do medio natural.

TRABALLANDO OS ECOSISTEMAS on PhotoPeach

AS FOTOS QUE NOS MANDARON DESDE PORTOSÍN

Se premes na imaxe poderás ver e descargar as FOTOS ENVIADAS POLO CEIP DE PORTOSÍN, un recordo do magnífico día que pasamos durante a súa visita a Santiago de Compostela.

APRENDEMOS HISTORIA

Estes días o alumnado de 4º, organizados en 5 equipos, están traballando duro para completar unha presentación dixital sobre as etapas da Historia. En breves días farán a presentación para os seus compañeiros/as.

O DÍA DE REIS NA AULA DE CUARTO

Aínda teñen moita ilusión e gozaron coa visita destas rapazas que viñeron recoller as  artas para os Reis Magos e tamén a deixar algunhas lambetadas.

O PEÓN NA CLASE DE ED. FÍSICA

Aínda que os peóns saíron ao patio do noso cole hai tempo,  hoxe empezou "oficialmente" a actividade de XOGO CO PEÓN, nas clases de Ed. Física.
Algúns xa trouxeron a súa obra de arte para participar na III mostra mundial de decoración de peóns, outros esqueceron que tamén fai falta un para bailalo, xogar e aprender trucos.

Este ano imos a facer un circuíto de  habelencias co peón: bailar á patada, bailar normal, o canciño, o ascensor, a serra e calquera outro truco que sexan capaces de facer.

Tamén practicaremos xogos: OS VEZOS, O TURBO, OS BECHOS...

Se premes na imaxe poderás acceder á galería de imaxes de hoxe.

PEÓN 13 - 2ºCICLO

APARECEU O MOFO NO PAN!

Levamos días observando os tres anacos de pan, cada un coa súa peculiariedade, esperando ver os cambios que se ían producindo. Hoxe apareceu un mofo que se apreciaba a simple vista, pero o millor de todo foi observar unha mostra de cada un a través da lupa binocular.
Despois fixemos un debuxo das tres imaxes nos nosos cadernos (pan seco, pan húmido e pan con mofo)

AGASALLOS

  A escritora Cristina Corral, a ilustradora Aurora Cascudo, o fotógrafo Miguel Noval e o músico Javier Prado (libros: "Os Poemas do Río" e "A historia fascinante da vaca rodante")  nos mandaron estes agasallos para a biblio do noso cole. Graciñas.

MIGUEL NOVAL BOUZA E A HISTORIA FASCINANTE DA VACA RODANTE

Hoxe tivemos a visita do fotógrafo/ilustrador do conto "A historia fascinante da vaca rodante". Foi moi interesante!!!!

Esta é a súa páxina web.

EMPEZAMOS A FACER O MURAL DO LIBRO

Gústanos moito traballar a cooperación para lograr un fin común: neste caso, o mural alusivo ao Día do Libro e Letras Galegas farémolo entre todo o alumnado do centro. Un crocodilo amante da lectura, que ademais gusta ler algún libro de Vidal Bolaño, o autor homenaxeado este ano con motivo do día das Letras Galegas.
O 2º ciclo está a facer ao protagonista, un simpático crocodilo. De momento empezamos coa pintura; estas son as imaxes.

SEMANA DA PRENSA

O venres, 15 de marzo traballamos con xornais e sen libros. Preparamos unha batería de actividades, relativas ás distintas áreas do currículo, que realizaron en equipos (todas a partir dos xornais en papel e tamén dixitais).
Houbo un gran movemento pola aula para consultar mapas, buscar información a través da rede, nos dicionarios...
Durante esta semana aínda continuamos con estas actividades, pero as fotos que vos deixo corresponden á xornada do venres.

Visita á Alameda

Hoxe os de Terceiro e Cuarto visitaron a Alameda xunto coas profes Inma e Mercedes, o teacher Pablo e a inestimable axuda da profe Sabela. A nosa guía polo lugar foi Irene. 

A visita comezou onda as Dúas Marías (1), punto de encontro obrigado deste parque, e o noso primeiro lugar de visita foi a sequoia (2) xunto a entrada da Porta Faxeira.

Logo visitamos a Oliveira (3) fronte ao instituto Rosalía de Castro, para logo entrar pola Porta dos Leóns a facer a roda da Ferradura. 

Todo ao longo do camiño hai fermosos carballos (4) cubertos de carriza todo arredor. 

Os nosos pasos leváronnos até a escultura de Valle-Inclán (5)... 

...para logo seguir rumbo ao enorme eucalipto (6) que vixía a catedral, chamada a Árbore dos Namorados...

Visitamos unha arboriña de froitos vermellos, o acivro (si, si; non miredes mal: escríbese con V antes de R), que aínda que xa non está en perigo de extinción é unha especie protexida, e hai que coidala! Ao seu carón había un fermoso cedro africano, e tamén un xingko (unha árbore cuxa especie é moi antiga: 270 millóns de anos!) (7).

Logo dimos un paseo polo chamado Xardín de Inverno, onde os xardiñeiros estaban preparando parterres de rosas de moitas cores (8).

Entre tantas flores deunos tempo a visitar á rosa máis bela do noso poemario (9): Rosalía de Castro (que cumpríu 176 anos o pasado domingo!). 

A súa estatua conmemorativa nos leva a Arxentina, Nova York, Porto Rico... lugares lonxanos da diáspora galega. Cerca deste punto puidemos ver tamén os pombais, e mesmo a unha fermosa pomba branca.

Agardábanos, a carón dun rododendro, o teixo (10), de follas parecidas ás da sequoia, pero ao mesmo tempo distintas... Que curioso mundo o das prantas!

Rematamos a viaxe por esta Alameda nunha árbore ben estraña, cun nome aínda máis estraño (11): a araucaria.

Agradecerlle a Irene, a nosa monitoria, este lindo paseo no cal aprendimos moitas cousas novas sobre un lugar que xa é un vello amigo: a Alameda.

MARCHOU ZARIK: GRAN AMIGA, COMPAÑEIRA E ALUMNA

O seu nome é Zarnigor Mardonova. Hoxe marchou para o seu país, Uzbequistán, na Asia central  e quedamos con moita pena. A súa familia veu despedirse e fixemos algunhas fotos, non moitas para non prolongar demasiado o momento nin facer perder a clase aos compañeiros para esquecer os momentos tristes.
Un bico moi forte de todos nós Zarik!
Moita sorte a toda a familia!

Henna

Hoxe Khadija sorprendeunos cunha fermosa tatuaxe de henna.

Ela di: fíxomo a miña profe da jemaa (a mesquita) celebrando o día do Corán. Mentres pintaba explicábanos a vida Muhammad, que é como lle chamamos a Mahoma. Foi  moi divertido!

VISITA DA AUTORA E ILUSTRADORA DE "POEMAS DO RÍO"

PREME NA IMAXE PARA VER A PRESENTACIÓN

Hoxe estiveron con nós Cristina Corral e Aurora Cascudo, autora e ilustradora do libro "POEMAS NO RÍO", un libro que lemos no 1º trimestre.
O alumnado de 4º fixo unha representación desta obra e os de 3º fixeron unha lectura. Tamén houbo sinatura de autógrafos para todas/os nós.

FESTIVAL NADAL 2012 - FOTOS 3º

Para que non teñades que esperar, pero non vos afagades mal!

O TREN DO NADAL

Así pintamos, entre todas/os o noso tren "auténtico" de RENFE. Tan auténtico era que, puxémoslle modelo, porta de abrir e pechar... de todo un pouco que a cada un ocorríaselle unha nova idea. Que marabilla facer todos estes traballos en equipo!