PRESENTACIÓNS DIXITAIS SOBRE ANIMAIS

Os nenos e nenas de 3º remataron de facer as súas presentacións sobre animais (coa axuda do keynote para ipad).
Resultou un traballo duro pero moi gratificante. A través das súas intervencións e, coa participación de todos e todas, aprendemos aspectos novos da vida dos animáis estudados.
Grazas tamén ás familias pola colaboración.

O DISCO DE NEWTON

O alumnado de 4º temos na nosa aula dous discos de Newton, que estamos levando as nosas casas para utilizalos coas nosas familias.

A MATERIA, AS FORZAS E A ENERXÍA

O alumnado de 4º está a facer a exposición do seu traballo/proxecto de Coñecemento do Medio.

O PINTOR XULIO MASIDE

 Hoxe o alumnado de 4º fixemos unha visita guiada á exposición de Xulio Maside (sobriño de Carlos Maside, que vimos en 3º) no Auditorio de Galicia. Acaba o 8 de febreiro e xa temos pensado que animaremos as nosas familias para que vaian, e facendo nós de guías!

Aquí estamos coa nosa guía Chus Busto. Encantounos a súa explicación! Graciñas.

CARTA GAÑADORA DO CONCURSO DE NADAL

 Amal foi a gañadora do concurso de Nadal! Xián Embaixador di: " Moitísima emoción despois de ter lido xunto aos Reis Magos, Papá Noel e o Apalpador máis de medio millar de cartas chegadas ás 40 caixas de correo que estiveron instaladas por todo Compostela! Aquí están os gañadores. Artistas absolutos, familias auténticas. Mil grazas!!"
Son tres cartas gañadoras en tres tramos de idade (pequenos, medianos e maiores). Recibirá o premio mañá, 5 de xaneiro, coa Cabalgata de Reis.
Parabéns!!!!

                                                         "A preciosa carta-libro de Amal"

                                           "O coidado interior da preciosa carta-libro de Amal"