28 oct 2018

OS VÍDEOS DAS ENTREVISTAS

Estes nenos e nenas de 4ºA empezaron como campeóns.  As entrevistas que fixeron estes días polo colexio xa están en formato papel. Aquí están as probas do proceso levado a cabo. Grazas ás persoas que colaboraron co seu tempo e as súas respostas: Brais, Rosa, Sheyla e Pablo.


19 oct 2018

EDUCACIÓN VIARIA 4º

Hoxe tocou clase de Educación Viaria con Carlos e Maxi, membros da Policía Local de Santiago. Lembráronnos a importancia de coñecer e cumprir certas normas básicas para estar expostos a menos perigos cando imos pola cidade.
Despois chegou o momento de levalo á práctica polas rúas ata chegar á sede da Policía Local de Santiago onde tivemos o privilexio de coñecer a sala de pantallas, os instrumentos que usan para as distintas funcións que realizan no seu traballo e rematamos entrando nos calabozos.


16 oct 2018

VISITA Á OFICINA DE CORREOS

Por fin chegou o día de levar as nosas cartas á oficina de correos. Agora toca esperar que chegue ao seu destino e poder recibir outra carta de resposta.
Aproveitamos para facer unha visita guiada, que resultou ser moi proveitosa para coñecer o servizo que prestan á cidadanía.
Da man de Julián e outros compañeiros seus poidemos coñecer o traballo dos carteiros/as, o aumento no envío de paquetes, bicicletas, equipaxes, etc. motivado polo fenómeno do peregrinación a Santiago, o proceso que siguen as cartas desde que se "mataselan" na oficina (hoxe cadaquén puido facelo na súa carta) ata que chegan a destino, a importancia de poñer os datos correctamente no sobre para que as máquinas poidan "ler" correctamente os datos e facer a clasificación axeitadamente...
E, ademais deste regalo de visita, houbo premio final: unha magnífica bolsiña para a merenda que poderemos decorar ao noso gusto.
E, como o prometido é debeda, rematamos a xornada no parque.


11 oct 2018

O ANIVERSARIO DE ÁLEX SEOANE

Con esta preciosa lambetada que imitaba elementos dun campo de fútbol agasallou hoxe älex aos seus compañeiros/as. Parabéns polos teus 9 anos!


10 oct 2018

O NOSO XARDÍN VERTICAL

Hoxe estivemos preparando o noso xardín vertical: recheamos con terra obtida dos nosos composteiros e regamos.
En próximas datas teremos que completar con algunhas plantas de inverno.

8 oct 2018

LABORATORIO NA AULA

Para dar un pasiño máis no que se refire á reprodución das plantas, hoxe estivemos observando as esporas dun fento e o pole dunha flor. Resultou sorprendente apreciar os detalles co uso da lupa binocular!

6 oct 2018

UNHA APAIXOANTE AVENTURA POR VIVIR

Empeza un novo curso e todo está por acontecer. Alumnado, profesorado e familias cargados de ilusións. Aproveitaremos estas enerxías para aprender uns dos outros todo canto poidamos.

Nesta presentación poderedes ver algunhas das actividades que xa empezamos a facer.