O ANIVERSARIO DE ÁLEX SEOANE

Con esta preciosa lambetada que imitaba elementos dun campo de fútbol agasallou hoxe älex aos seus compañeiros/as. Parabéns polos teus 9 anos!

CATRO VELLOS MARIÑEIROS

Magnífico remate de curso: nenos e nenas, familias e traballadores do cole entoando ao unísono (máis ou menos) a canción "CATRO VELLOS MARIÑEIROS" mentres a profe Sandra toca a melodía coa gaita.

A MÚSICA

Que a música é capaz de unir xa o sabemos. Isto poidemos vivilo o mércores pasado no noso cole con esta sinxela peza preparada pola profe Carmela para que o alumnado  de 1º (A e B) a presentaran no festival de fin de curso - Letras Galegas.
De xeito totalmente espontáneo case todos os presentes bailaron/ xogaron xuntos/as.

EU NON SEI

O alumnado de 4º EP, coa profe Sandra, interpretaron unha parte da popular peza "Eu non sei".

O MAZARICO

O alumnado de 3º EP gozou con este xogo musical no festival de fin de curso.

O CUCO

Esta foi a actuación do alumnado de 4º no Festival das Letras Galegas - Fin de curso. "O cuco", de Manuel María e con música de Suso Vaamonde, foi a peza elixida para cantar e crear unha coreografía coa colaboración de todos. Magnífico traballo rapaces e rapazas!

TODO É UN CONTO

Para que agora o vexades con tranquilidade e poidades rir o que queirades.

FESTIVAL DE NADAL 2015 - 4º

Hoxe tivemos día de festa en 4º. Puidemos compartir o noso traballo de aula (Plástica, Música e Obradoiro de Expresión) coas familias e alumnado de Ed. Primaria. Estas son as fotos das actividades que fixemos, non teñen moita calidade pero non se pode atender  todo e as condicións para facer fotos e vídeos non son moi boas.
Aproveito para os agradecementos:
- Ás familias en xeral por colaborar  en todo o que precisamos.
- Á familia de Airas por ceder parte do seu material audiovisual da xornada.

ANIVERSARIO DE ANDRÉS MARTÍNEZ

Andrés cumpriu 10 anos e celebrámolo como se merece. Cantamos, comemos galletas e tomamos zume. E non faltou o tirón de orellas.
Parabéns!

O ANIVERSARIO DE PAULA

Aínda que foi onte, día 22, as lambetadas, a canción e o tirón de orellas fixémolo hoxe porque onte foi domingo e Paula celebrouno coa súa familia.
Parabéns para Paula no seu noveno aniversario!

9º ANIVERSARIO DE ROBERTO

Roberto inaugura o curso cumprindo anos, xa son 9 así que cada vez hai que dar máis tiróns de orellas.
Pero tamén houbo galletas e zumes, creo eu, porque a min non me tocou nada... Estes son uns larpeiros e cando subo do pavillón xa non queda nada!
Parabéns para ti, como di a canción.

FIN DE CURSO

Rematou o curso cunha xornada chea de actividades:
- primeiro o obradoiro de construción de enredos no que despois dalgúns atrancos fomos capaces de facer as nosas propias cariocas e disfrutar xogando con elas
- despois as exhibicións de patinaxe e judo; con tanta emoción agora imos quedar sen futbolistas, todos queren aprender judo para o vindeiro curso
- e rematamos compartindo os manxares aportados por todos e os chourizos que asou o director.

Houbo moi pouco espazo para poder facer fotos porque a actividade foi moi intensa así que como di a canción "aí vai a despedida, aí vai a derradeira..."

Moi boas vacacións a todos e a todas, sede felices.
Vémonos en setembro para seguir aprendendo todos xuntos!