DÍA ESCOLAR DA PAZ E A NON VIOLENCIA

Hoxe contamos un conto na biblioteca para reflexionar sobre os comportamentos das persoas e as súas consecuencias: " DOUS IDIOTAS SENTADOS CADA UN NO SEU BARRIL". Se queres ver o vídeo, preme na imaxe.

Mural

ENTREGA DE AGASALLOS DO TORNEO DE BRILÉ

A X edición do torneo de brilé rematou coa entrega de agasallos a todos os equipos souberon xogar resolvendo pacificamente os conflitos. Tamén recibiron agasallo as catro nenas de 5 que desempeñaron o labor de axudantes de maneira moi eficaz.

TRABALLANDO OS VALORES - TRAILERS DE CINE EN 3º

A educación en valores é ben importante. Nestes traballos, que estaban feitos de fai tempo, houbo moita reflexión, moito debate previo, moitas ideas e finalmente un consenso dentro de cada equipo para levalos a cabo.
Nos vindeiros días publicaremos un máis, que quedou sen rematar.

SEMANA DO CINE 2014

A paz é unha cuestión diaria; por iso nós procuramos inculcar no alumnado unhas pautas de comportamento e actitude ante as persoas, a sociedade e o entorno en xeral.
Nestes días traballamos un pouco máis a fondo con distintas actividades, entre as que destaca a celebración da V SEMANA DO CINE. Elaboramos o cartel traballando en equipo e hoxe tivemos a sesión de cine, con flocos de millo incluídos.
A película elixida, bastante coñecida entre eles e elas, foi "BOB ESPONJA, A PELÍCULA". O debate que realizamos ao remate demostrou que estiveron moi atentos e que poden ser espectadores/as moi críticos. Quedamos realmente satisfeitas coa maneira de defender os distintos puntos de vista. Parabéns rapaces e rapazas!
A ver se no traballo escrito que faremos mañá destacan tanto.

20 NOVEMBRO: DÍA MUNDIAL DA INFANCIA

      Os alumnos e alumnas de 3º traballamos sobre os nosos dereitos (os dereitos dos nenos e nenas) e ilustrámolos.

4º PRIMARIA CON INFANTIL DE 3 E 4 ANOS

Estivemos xuntos vendo e escoitando dous contos: "Quen lle ten medo ó lobo?" (Algún sí tivo medo!!!) e "Unha sorpresa para Goruk". E tomamos un toffe porque o lobo do conto tamén o tomou e...

Señoras e señores deputados...

O venres 7 de xuño puidemos asistir a unha sesión exclusivamente inclusiva do Parlamento de Galicia. Aldeas Infantiles SOS celebraba neste lugar unha xuntanza moi especial, e coma convidados de honra acudimos xunto con outros tres coles das outras provincias: Lugo, Ourense e Pontevedra. Nós iamos en representación d'A Coruña.

 Membros do PV (Partido Viteístico) preparándose para a sesión.

 A prensa, sempre inquisitiva coa clase política

 O voceiro do Partido Viteístico, Juan Fdez. Castro, preparando a súa intervención

 Intervención da Presidenta de Aldeas Infantiles SOS, Rosa Freire (que estreaba netos estes días: mellizos!)

Intervención dos representantes dos outros partidos. Mágoa da compañeira do Don Bosco de Vigo, que fixo a súa intervención en castelán nun lugar coma o Parlamento de Galicia.

Eiquí o noso voceiro... todo un crack!

Os Compromisos (os tres primeiros eran do Partido Viteístico)

 A votación dos Compromisos (Naím e Liyu foron os últimos en votar)

No reconto saíu, por maioría, o número 1, o compromiso que fora redactado pola nosa compañeira Karina Duro!

Experiencia moi grata que seguramente repetiremos no futuro!

Máis teatro!

Seguindo o ronsel de grandes éxitos que Cuarto ten tras del coa representación sensacional e incrible da obra Os Poemas do Río (que xa arrasou no festival de Nadal, no encontro intercentros de teatro, en Broadway e no West End londinense) presentamos a actuación que este curso tivo no centro de día para maiores da Volta do Castro, na nosa cidade. Nesta ocasión tivemos unhas convidadas de excepción: unhas cantas amigas da asociación AGAEA!

Eiquí tedes unha escolma deste día e da actuación:

Preparándonos para saír

Agardando polo bus 

Cantando coas compañeiras de  AGADEA a espera foi máis curta

En ruta! 

Comezamos! Sen nervos: somo profesionais!

 A cada momento temos que parar polos aplausos!

Finalizamos e saudamos. Logo falamos co noso público, para logo cantar unhas copliñas coa xente de AGADEA.

E, por fin, o merecido premio: fiame, pizza, croquetas! Ñam, ñam!!! 

Henna

Hoxe Khadija sorprendeunos cunha fermosa tatuaxe de henna.

Ela di: fíxomo a miña profe da jemaa (a mesquita) celebrando o día do Corán. Mentres pintaba explicábanos a vida Muhammad, que é como lle chamamos a Mahoma. Foi  moi divertido!

KUNG FU PANDA NA IV SEMANA DO CINE

A vindeira semana celebraremos a IV Semana do Cine no centro. A película que eliximos para o  2º ciclo é KUNG FU PANDA, unha comedia de animación protagonizado por un oso panda vago e gordinflón, que seguro que fará as delicias de todos e todas aínda que xa a teñan visto.
Haberá que poñer moita atención para despois poder sacar conclusións e facer actividades a partir da mesma.

O Colexio Das Sombras

Coma comentaba a profe Carmela máis atrás, os compañeiros de Atención Educativa de 4º curso (Ana, Diana, Juan, Khadija e Yasmina) perpretaron o que será o filme de terror máis arrepiante da década. O teacher Pablo, colaborador circunstancial, aínda ten pesadelos só de ver este aterrecedor e horríbel avance...

O avance está feito co IMovie, unha curiosa aplicación do IPad que esixe pouco a nivel técnico (gravar unhas imaxes de xeito secuenciado, e a aplicación fai o resto) pero moito a nivel organizativo (traballo en equipo, saber escoitar, poñerse dacordo coa temática e estilo, que gravar e que non, unha vez gravado saber se se lle pode dar o visto bo... etcétera).
Todos colaboramos na realización dos textos e na maioría dos planos de imaxe (con algo de axuda do teacher, pero todos gravaron varios planos).
Sendo a primeira incursión que facemos no mundo audiovisual agardamos que vos guste para poder seguir traballando outros aspectos dunha educación holística coma este.

PS: Non, ao final Ana non desaparece como ela quería... quizais quede para a tan desexada segunda parte!

AS CAMISETAS SOLIDARIAS DE 3º

O venres trouxemos as camisetas solidarias ao cole e aquí estamos na foto que nos fixo Noa. Falta a profe Inma que ese día chegou máis tarde e os dous despistados (Pedro e Hugo), que non se lembraron de traela.
Lembrade que cando vaiades a lgunha viaxe é importante facer unha fotografía coas vosas camisetas solidarias para ir espallando o seu percorrido.

A profe Carmela con Marcos, Mario, Óscar, Roberto, Sergio Liste e Sergio Seijas

AS NORMAS DE AULA - 3º

Nestes primeiros compases do curso, o consenso dunhas normas de aula e a creación duns hábitos de convivencia en xeral, son moi importantes para crear un bo ambiente de traballo.
En terceiro marcamos unhas cuantas normas e estamos empezando a cumprilas, uns máis rápido que outros. As caras (verdes, amarelas, vermellas) irémolas pegando nos casilleiros individuais; ao final conseguirán o "veredicto" en forma de man, segundo se recolle na imaxe.

Na pequena presentación de abaixo, podedes ver as normas que teñen que esforzarse en conseguir cumprir o máis axeitadamente posible para ser escolares excelentes.


NORMAS AULA-3º