SEMENTAR, COLLEITAR E COMER

Levamos un tempo sementando dentro da aula á espera de que teñamos o espazo destinado a horto do cole xa preparado e tamén que chegue o tempo óptimo para planta fóra.
Non se nos da nada mal. Aínda que algunhas sementes non quixeron xerminar, outras van medrando cada día.
E, no medio de todo isto, chega Lorraine a facer prácticas con nós e súmase a iniciativa aportando unhas sementes para colleitar berros. Plantamos en algodón e procuramos ter o conxunto ben hidratado. O crecemento foi moi, moi rápido e xa estamos coméndoos nas nosas merendas diarias. Isto provocou que moitos nenos e nenas traian substitúan outro tipo de merendas por os clásicos bocadillos. Así collen a correspondente ración de berros e... merenda saudable!

O Relevo

Un novo traballo de Xiana! Impresionante!

A RECICLAXE - CONCIENCIACIÓN

O venres o CEIP de Vite foi o escenario para a posta en escea dunha xornada de RECICLAXE medioambiental, coa presenza dos conselleiros de Educación e Medio Ambiente, o alcalde e a concelleira de Educación, entre outros. Estas son algunhas das imaxes do día.


XORNADA MEDIOAMBIENTAL EN VITE on PhotoPeach

O ÁRTICO ROMPE

   Hoxe, o alumnado de 3º, estivemos nunha exposición sobre o Polo Norte (instalada na Alameda). Foi moi interesante a explicación que nos deron e todo o que vimos e aprendimos. Agora podemos ir a vela coas nosas familias polas tardes e os fins de semana (remata o 12 de decembro).

APRENDER A RECICLAR DE XEITO DIVERTIDO

Ese foi o obxecto da charla que recibiron hoxe os alumnos e alumnas de 3º e 4º. Non sempre sabemos con exactitude cales son as cousas que teñen que ir a cada contenedor;  outras xa as teñen moi claras.

Por exemplo: unha percha de colgar a roupa, aparentemente de plástico, non vai ao contenedor amarelo.

Entre todos temos que contribuír a producir menos lixo e a reciclar os residuos utilizando axeitadamente  os contenedores.

AS NOSAS PRANTAS AROMÁTICAS

 Laura e Manuel trouxeron prantas aromáticas (Laura e a súa nai fixeron un libro co nome en galego e castelán).

A ECOPATRULLA

Hoxe visitáronnos dous profes moi especiais: a profesora NAM  e o profesor NEM, expertos en climatoloxía, auga e enerxía, entre outras cousas.
A actividade estivo promocionada pola Fundación Mapfre en colaboración coa Xunta de Galicia e nela houbo presentacións dixitais para explicarnos o ciclo da auga e a importancia de coidar este ben tan escaso no noso Planeta. Tamén nos falaron da necesidade da reciclaxe de materiais e fixemos unha pequena práctica para botar ao lixo correctamente e por separado todos os restos que producimos na vida diaria.
Trátase de concienciar para preservar o medio ambiente: entre todos non é tan difícil; con pequenos xestos todos e todas podemos contribuír.