21 DÍAS FALANDO GALEGO

Os hábitos (bos ou malos) non nacen de repente, apréndense.Son 21 días. O obxetivo que pretendemos conseguir falando galego. A filosofía é facelo cada día, durante tres semanas, para chegar a sobrepasar a barreira do que nos custa e que se convirta nun hábito”.

Empezaremos o día 1 de maio (aínda que non sexa lectivo) e remataremos... Ao mellor xa continuamos!

Tedes 5 días para pensalo, animádevos!

TELEXORNAL DE 4º: NOTICIAS DO COMEDOR

O equipo formado por Seil, Samuel, Iago e Álex Seone decidiron informarnos sobre o funcionamento do comedor: curiosidades sobre as persoas que traballan alí, os menús, os prezos e as actividades que fan. Bo traballo!

TELEXORNAL DE 4º: NOTICIAS DE 2º

Os xornalistas que fixeron este traballo de investigación foron: Jesús, Sofía, Lucía, Raúl e Lucas. Estiveron falando cos nenos e nenas e tamén con Nuria, a profe de 2º á que pillaron polos pelos porque era o seu último día no cole.
Esperamos que vexa este telexornal e que lembre os bos momentos pasados en Vite.

TELEXORNAL DE 4º: NOTICIAS DE 4ºA

Aarón, Teo, Adriana e Javier estiveron cos seus compañeiros/as de 4ºA e interesoulles moito un traballo que estaban a facer usando os Ipads.

TELEXORNAL DE 4º: NOTICIAS DE 5º

Joel, Noelia, Patricia e Andrea viron uns traballos colgados no taboleiro de 5º que está no corredor. Decidiron averiguar como se facía aquilo que lles gustaba tanto.

TELEXORNAL DE 4º: NOTICIAS DE 3º

Neste grupo a noticia seleccionada foi unha saída didáctica relacionada coa alimentación; se queredes saber máis tedes que ver o telexornal que fixeron Álex, Carla, Sara e Abel.

TELEXORNAL DE 4º: NOTICIAS DE 1º

Os nenos e nenas de 4º (A e B) andan moi ocupados no seu novo papel de xornalistas. Preguntando aquí e acolá averiguaron unha chea de cousas que se están a facer nas distintas aulas. Tiveron que escoller unha actividade para elaborar a noticia final.

Moito traballo previo e moito esforzo que agora ven recompensado, os resultados están á vista.

O equipo formado por Lara, Alejandro Oti e Cristina (e coa colaboración de Claudia no traballo inicial) seleccionou unha noticia relacionada co traballo artístico do alumnado e profes de 1º.

ASÍ NOS DESCRIBEN OS NOSOS COMPAÑEIROS

Este é o traballo que fixeron os nenos e nenas de cuarto para describir aos seus compañeiros.

DESEQUILIBRIO NATURAL: UNHA PELÍCULA SOBRE ECOSISTEMAS

Preséntovos hoxe a película que crearon as nosas artistas de 4º (NOA, MARIA, SANDRA E PAULA), coa colaboración de algún compañeiro/a (Sergio, Pedro, Teo e Lucía).
Na mesma elixiron a temática dos ecosistemas, que estamos traballando en Coñecemento do Medio.
Teño que dicir que estamos totalmente emocionadas e satisfeitas de ver como xa son capaces de crear, suxerir, investigar... de xeito autónomo e partindo dos seus intereses e motivacións.

ANACOS DUNHA REGUEIFA

O dicionario da Real Academia Galega define a regueifa do seguinte xeito: "Disputa dialéctica improvisada e en verso, especialmente entre os asistentes a unha voda".
No noso caso a disputa entre os noivos e a futura sogra desenvólvese antes de casar. Paula, Sergio e María desempeñan magnificamente os seus papeis aínda que aquí o público non deixara escoitar moito; é por iso que seleccionei algúns fragmentos para que os poidades ver.

VISITA DE CONCHA BLANCO

Hoxe os nenos e nenas de 3º e 4º tiveron unha visita moi especial: a escritora Concha Blanco. Contoulles cousas moi interesantes sobre a literatura e sobre ela: os motivos que a levaron a facerse escritora, os libros que publicou, a súa paixón pola nosa lingua...
Fixéronlle moitas preguntas e estiveron atentísimos, tanto que ata a propia escritora os felicitou.
Para rematar a autora asinoulles os seus exemplares de Tita, o seu libro nº 28, que todos tiñan lido na clase.
Estaban emocionados coas súas dedicatorias!

TRAILER "LUCAS QUERE SER PALLASO" - 4º EP

A gravación da película "LUCAS QUERE SER PALLASO" está rematando. Os autores/as do guión, tamén actores e actrices da mesma, temos o pracer de deixarvos este adianto do noso traballo.

UN PASO ADIANTE CO GALEGO

O título desta entrada correspóndese co lema do CORRELINGUA 2014. E tamén é o título do vídeo que elaboramos en 4º coa finalidade de reflexionar na necesidade de dar pequenos pasos para progresar no coñecemento da nosa lingua e participar no concurso de  vídeos na vindeira edición do CORRELINGUA.

24 febreiro: DÍA DE ROSALÍA

Os alumnos e alumnas de 3º celebramos o 177 aniversario do nacemento de Rosalía de Castro, lendo algúns dos seus poemas e unha pequena biografía.

TRABALLANDO COA PRENSA EN REDE

Estes días estamos seleccionando novas de prensa para elaborar o primeiro capítulo de programa VITE INFORMA, que se poderá ver no blogue leriasdevite.
Isto supón un traballo serio como se aprecia nas facianas dos rapaces que participaron hoxe na actividade. Ademais a linguaxe dos xornais é complexa e a conexión wifi deunos algúns quebradeiros de cabeza.

Contos de Xitanos

O pasado mércores 15 tivemos a oportunidade de compartir con Sebastián e Manuel parte da cultura xitana con contos e música moi fermosa.

Foi no pazo de Don Pedro, no Museo das Peregrinacións, un edificio que coñecían moi poucos compañeiros de Cuarto. 

Os contos sobre a creación dos Seres Humanos, no forno daquela muller de longa melena negra e grandes gafas laranxas; e o conto sobre o vendedor de cabalos de Santiago de Compostela que se atopou cun xigante e cun vampiro foron moi curiosos e moi divertidos, tanto polo contido como polo xeito de contalos que tiñan os nosos dous contacontos. 

Tamén nos contaron cousas sobre o idioma propio dos xitanos do mundo, o romanó, e da variedade que se fala en España: o caló.

Logo, e vendo que facía bo día, decidimos aproveitar a saída para ver algo que moitos da clase nunca viran: a zona vella de Santiago de Compostela. Paseamos por varias rúas e prazas, e mesmo entramos na Catedral (lugar que alomenos catro nunca visitaran!). 

 É unha mágoa que, vivindo nun sitio tan fermoso, misterioso e abraiante como Compostela haxa xente que non adique tempo a pasear polas súas rúas e visitar os monumentos, contados entre os máis destacados do mundo. Lembremos que a nosa zona vella é Patrimonio da Humanidade.

PARA APRENDER A ESCRIBIR CONTOS

Gustaríavos ser escritores? Se esta non é a profesión do teu futuro pero queres divertirte un pouco inventando as túas propias historias con un pouco de axuda, preme na imaxe e sigue as pautas.

CADERNOS DE CALIGRAFÍA

Estes son os cadernos de caligrafía dos que falamos na reunión coas familias do pasado martes; empeza no nº 1 coa dirección no trazo das letras e vaise avanzando a medida que cada un vai vendo as necesidades (os números 1, 2 e 3 son os máis elementales pero para asentar a direccionalidade no trazo están moi ben)

MÁIS PUBLICIDADE

Aquí están os/as da quenda de hoxe (LUCÍA, ROBERTO, NOA E MARCOS); algún outro non sae porque hai que repetir a vindeira semana.
E lembrade: o texto non debería ser demasiado curto nin tampouco demasiado longo porque senón resulta aburrido e ninguén vai mercar o produto que queredes vender! E en galego!

Algún pai estaba esperando por recursos de Lingua para repasar na casa co seu fillo, aquí vai un pouco de todo, clasificado por temas: vocabulario, ortografía e gramática.

EU BUSCO PALABRAS

CURIOSOS ANIMAIS

BÓTAME UN FEITIZO

HABÍA UNHA VEZ