DESEQUILIBRIO NATURAL: UNHA PELÍCULA SOBRE ECOSISTEMAS

Preséntovos hoxe a película que crearon as nosas artistas de 4º (NOA, MARIA, SANDRA E PAULA), coa colaboración de algún compañeiro/a (Sergio, Pedro, Teo e Lucía).
Na mesma elixiron a temática dos ecosistemas, que estamos traballando en Coñecemento do Medio.
Teño que dicir que estamos totalmente emocionadas e satisfeitas de ver como xa son capaces de crear, suxerir, investigar... de xeito autónomo e partindo dos seus intereses e motivacións.

PRACTICANDO XOGOS TRADICIONAIS EN E.F.

Os nenos e nenas de 3º practicaron con entusiasmo dous xogos tradicionais: PAÍSES, PAÍSES e A RAIA DO CARACOL. Nos dous desenvólvense habilidades de salto e moitas relacións sociais.

ATOPÁRONSE NA POBRA DO CARAMIÑAL

Sempre vos dicimos que a colaboración das familias é importantísima. Nesta ocasión José Luis, o pai de Marcos mandounos esta nova: o reencontro dos rapaces de Vite e Portosín nun torneo de fútbol na Pobra do Caramiñal (31 - maio - 2014). A sorpresa e alegría foron enormes ao coincidir no mesmo torneo, aínda que non chegaron a competir entre eles xa que non estaban no mesmo grupo da competición.
Grazas, José Luis, pola colaboración.

 

UNHA NOVA XENERACIÓN DE ARTISTAS

Algúns/ algunhas nenos e nenas de 4º decidiron aplicar os coñecementos aprendidos sobre ecosistemas para elaborar o guión dunha película que estamos a gravar nos recreos. O traballo, desde a idea orixinal ata o guión, atrezzo... Todo é obra exclusiva deles e, sobre todo, delas.
Noraboa!

AULA DE CICLISMO 4º

Os de cuarto tiveron que poñerse a cuberto da chuvia así que o pavillón converteuse nun circuito estupendo.

AULA DE CICLISMO

O alumnado de 3º, 4º, 5º e 6º tivemos no noso colexio a "Aula ciclista" (Programa de formación en ciclismo e alimentación responsable): Primeiro foi unha sesión teórica todos xuntos e, despois, unha sesión práctica coa realización dunha gymkhana no patio cada curso por separado. Aquí estamos o alumnado de 3º cos ciclistas Gustavo e Aída.

ANACOS DUNHA REGUEIFA

O dicionario da Real Academia Galega define a regueifa do seguinte xeito: "Disputa dialéctica improvisada e en verso, especialmente entre os asistentes a unha voda".
No noso caso a disputa entre os noivos e a futura sogra desenvólvese antes de casar. Paula, Sergio e María desempeñan magnificamente os seus papeis aínda que aquí o público non deixara escoitar moito; é por iso que seleccionei algúns fragmentos para que os poidades ver.